Utebo FC 3-1 SD Amorebieta: Porrota liderraren etxean hasiera txar baten ostean

Urdinek ezin izan dute punturik lortu Utebo FC liderrari egindako bisitan, gaur arratsaldean Santa Anako belar artifizialean jokatutako norgehiagokan. Hasiera txar batek SDA kondenatu du, 25. minutuan 3-0 galtzen ari baitzen. Hortik aurrera gureek hobera egin dute eta Castañedak desabantaila murriztu du atsedenaldiaren aurretik, baina lasta astunegia zen.

UTEBO FC: Pol, Meseguer (46′ Sanchís), Mario Álvarez, Alberca, Marín (46′ Ces Cotos) Diego López, Bouba (67′ Diego Suárez), Juan Delgado, Beitia (76′ Pedrosa), Mendinueta (19′ Jorge Adán) eta Álex.

SD AMOREBIETA: Altamira, Mendibe, Castañeda, Odei, Marouane (76′ Asier Sánchez), Ituarte (29′ Arzalluz), Reka (60′ Zorrilla), Fausto Tienza, Ceballos, Torrico (76′ Lulu) eta Hernaiz (60′ Hodei Rodríguez).

Golak: 1-0: Min. 7, Alberca. 2-0: Min. 12, Bouba. 3-0: Min. 25, Diego López. 3-1: Min. 45, Castañeda.

Epailea: Sergi Rimbau. Txartel horiak: Beitia, Alberca eta Jorge Adán; eta SDAko Ituarte, Reka eta Lulu.