José Masllorensek SDA-ren zelai erdia indartuko du

José Ramón Masllorens Doria (Girona, 2001-05-07) futbolariak SD Amorebietan jokatuko du denboraldi bukaerara arte. Erdilaria da eta Granada CF-etik dator lagatu gisa. Brontzezko kategorian ehun partidu baino gehiago jokatu ditu Balompédica Linense eta Recreativo Granadaren koloreak defendatu ondoren.

Jokalari urdin berria, Gironan jaioa baina Kolonbian hazia, Millonarios FC (Kolonbia), Girona FC edo Montevideo City Torque (Uruguai) bezalako klubetan hezi zen 2020-21 denboraldian Balompédica Linensera iritsi aurretik. Bere lan onari esker, 2023ko udan Granada CF klubak fitxatu zuen. Handik Urritxera helduko da orain zelai erdia indartzeko asmoz.

Ongi etorri!