Ion Etxanizek SDAri bere golak eta esperientzia ematen jarraituko du

SD Amorebietak Ion Etxaniz Llamasen (Elorrio, 1991-01-10) kontratu berritzea iragarri nahi du. Eskarmentu handiko aurrelaria, brontzezko futbolean ibilbide luze eta arrakastatsua egin du, Bigarren B Mailan, Lehen Federazioan eta Bigarren Federazioan ehun gol baino gehiago sartu baititu. Amorebieta-Etxanon bizi den Elorrioko aurrelariaren bigarren denboraldia izango da Urritxen. Joan den denboraldian liga txapelketan urdinen golegilerik onena izan zen zazpi golekin, guztiak erabakigarriak sailkapenean puntuak lortzeko.