Aurredenboraldian Urritxen jokatuko diren partidetarako sarrerak doakoak izango dira

Pasa den ostiralean Atxabalpen Eibarren aurka jokatutako partidaren ondoren, urdinek beste bost norgehiagoka afrontatuko dituzte liga txapelketa hasi aurretik. Horietako lau Urritxen izango dira:

– SDA-Osasuna Promesas. Abuztuaren 6an, larunbata, 11:30ean.

– SDA-Numancia. Abuztuaren 10ean, asteazkena, 19:00etan.

– SDA-Bilbao Athletic. Abuztuaren 13an, larunbata, 11:30ean.

– SDA-Sestao River. Abuztuaren 20an, larunbata, 11:30ean.

Nahi duten zale guztiak Urritxera doan sartu ahal izango dira aipatutako lagunartekoak ikustera.

Gainera, Haritz Mujikak zuzentzen duen taldeak Urbieta bisitatuko du abuztuaren 18an, osteguna, 19:00etan, Gernikaren kontra jokatzeko.

Partida hauetarako, Urritxera etortzeko interesa duten komunikabideei aldez aurretik jakinaraztea eskatzen zaie, prentsa@sdamorebieta.eus posta elektronikoaren bidez, klubak komunikabideetako profesionalen lana erraztu ahal izateko.