Álvaro Núñez, SD Amorebietako futbolari berria

Álvaro Núñez Cobok (Sondika, 2000-07-07) Sociedad Deportiva Amorebietan jokatuko du 2023-2024 denboraldian. Eskuin hegaleko atzelari bizkaitarra Futbol Club Barcelonako filialetik dator.

Nuñez alebinetan iritsi zen Lezamara eta mailak igotzen joan zen Bilbao Athleticera heldu arte, 2019-20 denboraldian debutatu zuen zurigorrien bigarren taldean eta hurrengo bi kanpainetan jokalari garrantzitsua izan zen. Izan ere, 2021-22an minutu gehien lehiatu zituen lehoikumea izan zen (3.119), txapelketan 3.000 minutuko langa gainditu zuen taldeko zurigorriko jokalari bakarra.

Iazko udan Barcelonara joan zen eta bertan funtsezko jokalaria izaten jarraitu zuen. Rafa Marquezek entrenatutako taldeak jokatu zituen 40 partida ofizialetatik, Nuñez 39tan egon zen hamaikakoan. Bakarra galdu zuen eta bost txartel hori zituelako izan zen. Horrela, Barça Atleticen ere minutu gehien (3.494) izan zituen jokalaria izan zen pasa den denboraldian.

Ongi etorri, Álvaro!