Bilbao Athleticen aurkako derbirako sarrerak salgai daude Internet bidez

SD Amorebietak Bilbao Athleticen kontrako derbia jokatuko du ostiral honetan, urriak 4, 20:30ean. Ligako 7. jardunaldiko neurketa honetarako sarrerak online eros daitezke: https://sdamorebieta.compralaentrada.com/eventos/

Sarrera hauek gune orokorrerako bakarrik izango dira (ez da tribunarako sarrerarik salduko) eta 15 euroko prezioa izango dute 16 urtetik gorako pertsonentzat eta 5 eurokoa 16 urtetik beherakoentzat.

Agortzen ez badira, partida hasi baino ordubete lehenagotik ere erosi ahal izango dira Urritxeko leihatilan ostialean.