Zelaieta Zentroak SDAren Mendeurrenaren Erakusketaren inaugurazioa hartuko du ekainaren 12an

Erakusketa uztailaren 4ra arte egongo da ikusgai, Patxi Gonzalez komisario duela, eta klubaren historian zehar ibilaldi bat proposatzen du irudi eta objektuen bitartez

Zelaieta Zentroak SD Amorebietaren Mendeurrenaren Erakusketaren inaugurazio ofiziala hartuko du ekainaren 12an, osteguna, 19:00etatik aurrera. Argazki eta objektuen bitartez, klub ‘urdinaren’ ehun urteko historia ezagutzeko aukera eskainiko du uztailaren 4ra arte bisitatu ahal izango den erakusketak. Horrela, Mendeurreneko Erakusketak ‘Haizetara’ kaleko musika lehiaketa ospetsuarekin bat egingo du, 2025eko edizioan nobedade gisa sari berezi bat emango duena SDAren ereserkiaren bertsiorik onena jotzen duen taldearentzat. Patxi González zornotzarra, SDAko bazkidea duela 65 urte baino gehiagotik, Mendeurreneko Erakusketaren komisarioa da. Ainhoa Salterain Amorebieta-Etxanoko alkatea eta Jon Larrea SD Amorebietako presidentea inaugurazioan izango dira. Sarrera librea eta doakoa izango da nahi duten pertsona guztientzat.

Irudian, 62-63 denboraldian Real Madrilen aurka jokatu zuen taldea Espainiako Afizionatuen Txapelketako finalerdietan.