UD Barbastro 4-0 SD Amorebieta: Urdinek agur esan diote Kopari
Urdinek agur esan diote Kopari, Barbastroren zelaian partida bakarrera jokatu den lehen kanporaketan 4-0 galdu ostean. Gureak, Gorka Moreno bigarren taldeko entrenatzailearen zuzendaritzapean, ondo lehiatu dira lehen zatian. Hala ere, Aragoiko taldeak aurrea hartu du aldageletatik itzultzean eta nagusi izan da bigarren zatian.
Etengabeko euripean eta egoera txarrean zegoen zelaiarengatik baldintzatuta, norgehiagoka berdinduta hasi da. Baloi bakoitza, bataila bat. Defentsak nagusitu dira lehen zatian. Bertok eta Aurtenetxek areaz kanpotik egindako jaurtiketen bidez frogatu dute eta ez dute saririk aurkitu hasierako minuetuean. Area ertzetik ere saiatu da Albín, Marino zikintzera behartu duen jaurtiketa batekin. Lehen ordu erdia gaindituta, Marin izan da markagailua zabalten saiatu dena beste zartako batekin, baina langaren gainetik joan da. 38. minutuan bi taldeek abisu onak eman dituzte. De Mesaren aukera ona gelditu du Marinok eta, jarraian, Marinen burukada batek Arnau atezainak harrapatu du. Lehen zatiko azkena Coulibalyk eman du, kanpora joan den eskuinkada batekin. Horrela, partida atsedenaldira iritsi da 0-0eko emaitzarekin.
Barbastrok aurrea hartu du bigarren zatiaren hasieran. De Mesak eskuz esku jardun du Marinorekin eta ez du barkatu 55.ean. Horrek hegoak eman dizkio etxeko taldeari. 2-0ekoa berehala iritsi da. 61. minutuan, Sito Barrerak bolea indartsua lotu du abantaila handitzeko. Hirugarrena penaltiz izan da, Sito Barrerak bere bigarren gola ezarriz. Gauza bera egin du De Mesak, behin betiko 4-0ekoaren egilea.
UD BARBASTRO: Arnau, Jaime Ara, Israel, Hugo Bautista, Javito (76’ Ángel Rueda), De Mesa (76’ Jurgi), Marc (60’ Aldair), Santigosa, Javier Albín (60’ Guille Alonso), Sito Barrera eta Óscar Arroyo.
SD AMOREBIETA: Marino, Enol Coto, Calavera (73’ Kaxe), Kortazar, Aurtenetxe (73’ Iñigo Muñoz), Yuste, Coulibaly (80’ Coulibaly), Mauro Bravo (73’ Hervías), Berto (46’ Carbonell), Selma eta Álvaro Marín.
Golak: 1-0: Min. 55; De Mesa. 2-0: Min.61; Sito Barrera. 3-0: Min. 68; Sito Barrera, penaltiz. 4-0: Min. 74; De Mesa.
Epailea: Gonzalo Romero Freixas.
