Sestao River 1-0 SD Amorebieta: Porrota Las Llanasen
Urdinek, gerturatu diren zale ugarien laguntzarekin, ezin izan dute punturik lortu Las Llanasen Sestao Riverren aurka jokatutako derbi parekatuan. Oso abagune gutxiko partidan, etxeko taldeak gol bakarra lortu du 62. minutuan, Bustilloren zartako eder bati esker.
Lehen zatia berdinduta igaro da, ia arriskurik gabe bi aldeetan, eta bi taldeak hobeak izan dira defentsako lanetan erasokoetan baino. Horren erakusgarri da atera joan den lehen jaurtiketa 40. minutuan izan dela, Selmak Iñigo Muñozen erdiraketa errematatu duenean. Iago Herrerinek arazo handirik gabe gelditu du. Lehen zatiko azken jokaldian, korner baten ondoren, Kaxeren burukada gurutzatuegia atera da.
Gidoia ez da aldatu aldageletatik igaro ondoren. Norgehiagokak abagunerik gabe jarraitu du 62. minutuan Bustillok 1-0ekoa egin duen arte, area ertzetik gol ederra sartuta. Gureak berdinketaren bila joan dira, baina ez dira abagune argirik sortzeko gai izan.
SESTAO RIVER: Iago Herrerín, Joseda Álvarez, Adri Gómez, Diego Aznar (77’ Leandro), Ion Etxaniz (86’ Barandalla), Sergi García (77’ Planas), Marcos Bustillo, Asier Córdoba (86’ Gorka Garai), Jon Rojo, Adri Miranda eta Anton Efremov (68’ Gaizka Martínez).
SD AMOREBIETA: Marino, Amelibia, Yuste (82’ Javi Sola), Kortazar, Carbonell, Masllorens (82’ Coulibaly), Ben Hamed, Hervías (74’ Berto), Iñigo Muñoz (74’ Eric), Selma eta Kaxe (74’ Álvaro Marín).
Gola: 1-0: Min. 62; Bustillo.
Epailea: Víctor Pérez Peraza. Txartel horia atera die Adri Gómez eta Rojori etxekoen aldetik; eta SDAko Selmari.
