SD Amorebieta-UD Logroñés neurketarako sarrerak salgai

Azken bi partidak etxetik kanpo jokatu ondoren, Sociedad Deportiva Amorebietako lehen taldea Urritxera itzuliko da asteburu honetan. Unión Deportiva Logroñés hartuko du igande honetan, apirilak 23, 12:00etan abiatuko den Lehen Federazioko 2. Multzoko 33. jardunaldiko norgehiagokan.

Hala nahi dutenek aldez aurretik erosi ahal izango dituzte sarrerak datorren larunbateko 12:00ak arte. Esteka honen bidez egin beharko dute: https://labur.eus/LEmcx 

Sarrera hauek gune orokorrerako bakarrik izango dira (ez dira tribunako sarrerak salduko) eta hurrengo prezioak dituzte:

16 urtetik aurrera: 15 euro

4 urtetik 15era: 5 euro

0-3 urte: doan

Gainera, partidaren egunean, sarrerak salduko dira Urritxeko leihatilan 11:00etatik aurrera. Hauek ere gune orokorrerako sarrerak izango dira, aipatutako prezioekin.