Pipi Nakai japoniarra, Real Madrilek utzita, jokalari urdin berria

Takuhiro ‘Pipi’ Nakai (Ōtsu, 2003-10-24) futbolariak SD Amorebietan jokatuko du denboraldi honetan. 20 urteko gaztea Real Madriletik dator lagatu gisa. Erdilari japoniarra 2014an heldu zen Madrilekoen harrobira, alebinetan, eta kategoriak igotzen joan zen Real Madril Castillarekin Lehen Federazioan debuta egin arte 2022-23an. Gainera, jokalari urdin berria, bere ezaugarri tekniko onengatik nabarmentzen dena, behin baino gehiagotan entrenatu da Real Madrileko lehen taldearekin eta internazionala da Japoniako beheko kategorietan. Pasa den denboraldian Rayo Majadahondan aritu zen utzita brontzeko kategorian.

Ongi etorri SDAra, Pipi!