Partida egunetan Lezamara joateko autobusak egongo dira
SD Amorebieta
![zaleak-lezaman](https://sdamorebieta.eus/wp-content/uploads/2023/08/zaleak-lezaman.jpg)
Autocares Olea enpresak kudeatuta, Sociedad Deportiva Amorebietako zaleek autobusak izango dituzte partidu egunetan Lezamara joateko. Neurketa bakoitza hasi baino ordubete lehenago irtengo dira anbulatorioko geltokitik. Joan-etorriko txartelak 6 euroko prezioa izango du. Txartelak partidaren aurreko egunera arte erosi ahal izango dira Autocares Olearen bulegoan eta Xiberu tabernan.