Natxo Gonzalez, SDAko lehen taldeko entrenatzaile berria

SD Amorebietak lehen taldeko entrenatzaile berria Natxo González (Gasteiz, 1966-07-29) izango dela jakinarazi nahi du. Teknikari urdin berriak eskarmentu handia du. Horren erakusgarri da ia 500 partida zuzendu dituela futbol nazionaleko zilarrezko eta brontzezko kategorietako taldeetan. Bere palmaresean, Bigarren Mailara Deportivo Alaves eta CF Reus Deportiu taldeen gidaritzapean lortutako bi igoerak nabarmentzen dira. UE Sant Andreu, Real Zaragoza, RC Deportivo de La Coruña, Málaga CF edo UD Logroñés bezalako taldeak ere zuzendu ditu. Gainera, bi etapa egin ditu atzerriko ligetan, Portugalgo CD Tondelaren eta Boliviako Club Bolivarraren aginduetara egon baita.

Ongi etorri Urritxera, Natxo!