Urdinek larunbat honetan, uztailak 8, egingo dute lehen entrenamendua
SD Amorebieta
![BEC51844-3496-4810-A318-DF6EA64F682B](https://sdamorebieta.eus/wp-content/uploads/2023/07/BEC51844-3496-4810-A318-DF6EA64F682B.jpeg)
Datorren larunbatean, uztailak 8, Sociedad Deportiva Amorebietako lehen taldeak 2023-2024 denboraldiko lehen entrenamendua burutuko du. Urdinek bigarrenez lehiatuko dute Bigarren Mailan, hemendik aurrera LaLiga Hypermotion izena izango duena. Entrenamendua Urritxen egingo da, ateak zabalik, eta 10:30ean hasiko da. Aurreko bi egunetan, hilaren 6an (osteguna) eta 7an (ostirala), berdegunean lanean hasi aurretik egin beharreko azterketa medikoak eta proba fisikoak egingo dituzte.
Larunbateko entrenamendua hasi aurretik, 10:10ean, Asier Goiria kirol zuzendariak eta Haritz Mujika entrenatzaileak gerturatzen diren kazetariekin hitz egingo dute. Komunikabideek taldearen irudiak hartzeko aukera izango dute.