Liderraren kontrako partidarako sarrerak salgai Internet bitartez

SD Amorebietak sailkapeneko lehen postuan eta oraindik galdu ez duen Cultural y Deportiva Leonesaren aurka jokatuko du Urritxen igande honetan, azaroak 3, 12:00etan. Ligako 11. jardunaldiko neurketa honetarako sarrerak online eros daitezke: https://sdamorebieta.compralaentrada.com.

Sarrera hauek gune orokorrerako bakarrik izango dira (ez da tribunarako sarrerarik salduko) eta 15 euroko prezioa izango dute 16 urtetik gorako pertsonentzat eta 5 eurokoa 16 urtetik beherakoentzat.

Agortzen ez badira, larunbatean partida hasi baino ordubete lehenagotik ere erosi ahal izango dira Urritxeko leihatilan.