Julen Castañeda, esperientzia eta lidergoa atzealde urdinerako

SD Amorebietak Julen Castañeda Nuin (Tolosa, 1990-11-14) fitxatu duela iragarri nahi du, Zamora CF taldetik datorren esperientzia handiko ezker hegaleko atzelaria. Futbolari urdin berriak, zentral bezala ere jokatu ahal duenak, brontzezko kategorian (Bigarren B Mailan eta Lehen Federazioan) egin du bere ibilbidearen zatirik handiena, 350 partida baino gehiago jokatuz. Bigarren Mailan aritu zen ere SD Ponferradinan bi denboralditan, eta gainera Bigarren Federazioa ezagutzen du, duela bi denboraldi kategoria honetan jokatu baitzuen, Zamora Lehen Federaziora igotzearen eragile nagusietako bat izanik.

Castañeda Realeko harrobian hezi zen eta bere bigarren taldearen koloreak defendatu zituen lau kanpainatan zehar. Txuri-urdin bezala nabarmendu ondoren, 2013ko udan Ponferradinara joan zen Bigarren Mailan bi denboraldiz jokatzeko. Hurrengo geldialdia Burgos izan zen, Santanderko Racingera iritsi aurretik. Bertan hiru denboraldi eman zituen. Azkenengoan, 2018-19an, Bigarren Mailara igo zen taldean minutu gehien jokatu zituen futbolaria izan zen. Hala ere, hurrengo denboraldian Cultural Leonesarekin sinatu zuen, brontzezko kategorian beste lau denboraldi jokatuz. Duela bi urte Reino de Leon zelaia utzi eta azken bi denboraldietan bere taldea izan den Zamorara joan zen, une horretan Bigarren Federazio Mailan zegoena. Lehenengoan, funtsezko papera bete zuen 34 partida ofizialetan parte hartu baitzuen, horietatik 33 titular gisa, Lehen Federaziora igotzea lortu zuen taldean, eta pasa den denboraldian hogei lehia ofizial jokatu zituen. Orain, Urritxera helduko da talde urdinari bere gaitasun tekniko ona, eskarmentua eta lidergoa eskaintzeko.

Ongi etorri, Julen!