Josué Dorrio, abiadura handiko jokalaria urdinen hegaletarako

Sociedad Deportiva Amorebietak Josue Dorrio Ortegaren (Bilbo, 1994-3-3) fitxaketaren berri eman nahi du. Aurreko denboraldian, abiadura handiko hegalekoak Lehen Federazioan jokatu zuen Real Balompédica Linense taldean, non denboraldi oso ona burutu zuen eta ligako 33 partidatan parte hartu zuen.

Athletic eta Danok Bat klubetako harrobietan hezi ondoren, Dorriok Bermeon ekin zion senior etapari. Itxas Ganeko taldean egindako lan onak Eibarrera iristea eragin zuen, bigarren taldeko kide izateko. Hala ere, lehen taldearen hainbat deialditan sartu zen neurketa ofizialetan eta titular izan zen Errege Kopako kanporaketa batean Atletico Madrilen aurka 2016-17an. 2017ko udan klub armaginetik irten eta Portugaletetik eta Lorcatik pasa zen Bigarren B Mailara jauzia egin aurretik Real Murtziarekin (2019-20). Jokalari garrantzitsua izan zen La Condominan pandemiak lehiaketa gelditzera behartu zuen arte. 2020-21ean brontzezko kategorian jarraitu zuen Talaveran eta hasierako hamaikakoetan ohikoa izaten jarraitu zuen.  Pasa den denboraldian Balompédica Linensen aritu ostean, Euskadira itzultzen da bere abiadura eta kalitatea SDAko jokalari bezala erakusteko.

Ongi etorri, Josué!