Igandean, bete dezagun Urritxe!

Urdinek Real Sociedad B hartuko dute igande honetan, apirilaren 6an, 17:30ean. Urritxe bete behar dugu taldeari garaipena lortzen laguntzeko. Guztion bultzada ezinbestekoa izango da. Horregatik, SDAko bazkide bakoitzak doako sarrera bat izango du eskura, beste pertsona bat partidura gonbidatzeko. Ostiralera arte jaso ahal izango dira klubeko dendan. Gogorarazten da ordutegia astelehenetik ostiralera 10:00etatik 13:00etara dela (ostiraletan 17:00etatik 20:00etara ere irekitzen da).