Ekainaren 25era arte egongo da zabalik SDAk uztailaren 19an egingo duen Mendeurreneko Bazkarian izena emateko epea

Marmitako Lehiaketan barneratuko den ospakizun honetan parte hartu nahi duen orok bere txartela jaso dezake klubaren dendan, 25 euroko prezioan

Zabalik dago SD Amorebietak uztailaren 19an, larunbata, egingo duen Mendeurreneko Bazkarian izena emateko epea. Amorebieta-Etxanoko herriak bere ohiko Marmitako Lehiaketa jendetsua ospatuko duen egun berean izango da. 100. urteurrena udalerriaren eskutik ospatzeko duen desioarekin bat etorriz, SDAko Zuzendaritza Batzordeak uste du Amorebieta-Etxanoko bizilagunen artean hain errotuta dagoen Marmitako Lehiaketaren eguna une onena dela SD Amorebietak bere Mendeurreneko Bazkaria egin dezan.

Gauzak horrela, egun horretan SDArekin mahaia partekatu nahi duten pertsona guztiek (bazkideak, zaleak, jardunean dauden futbolariak edo botak zintzilikatu dituztenak, entrenatzaile ohiak…) SDAk San Miguel kalean duen bulegoan eros dezakete txartela. Honek 25 euroko prezioa izango du eta menuak, marmitako errazio oparoaz gain, entsalada, ura, ardoa, garagardoa, freskagarriak eta postrea barneratuko ditu.

Txartela eskuratzeko azken eguna ekainaren 25a izango da, asteazkena. Jakina, txartela eskuratzen dutenek Mendeurreneko Bazkarira gehituz ez dute Marmitako Lehiaketan izena eman beharrik izango horretarako epea zabaltzen denean eta mahaiak eta aulkiak izango dituzte, lehiaketan parte hartzen duten gainerako pertsonek bezala. SDAren mahaiaren kokapena behar besteko aurrerapenarekin jakinaraziko da, uztaila hasita. Mendeurreneko Bazkarian izena ematen dutenentzako topalekua hurrengoa izango da: uztailaren 19ko 13:30ean Zubiondo Plazan jarriko den SDAren txosnan.