Bazkideentzako gonbidapenak igandeko Amorebieta-Tarazona partidurako

Hilabete baino gehiago geroago, futbola Urritxera itzuliko da igande honetan, urtarrilak 19. Urdinek 2025eko lehen partida jokatuko dute etxean, SD Tarazonaren kontra. Liga txapelketako 20. jardunaldiari dagokion lehia 19:30ean abiatuko da. Hitzordu honetarako, SDAko bazkideek doako sarrera bat hartzeko aukera izango dute, beste pertsona bat norgehiagokara gonbidatzeko.

Gonbidapen hauek, gune orokorrean kokatuta egongo direnak, klubaren dendan eska daitezke gaur, osteguna 16, 10:00etatik 13:00etara, eta bihar, ostirala 17, 10:00etatik 13:00etara eta 17:00etatik 20:00etara. Eskuragarri egongo dira ere igandean Urritxeko txarteldegian partida hasi aurretik.