Asier Goiria kirol-zuzendariak eta Haritz Mujika entrenatzaileak SDAn jarraituko dute

Asier Goiria kirol-zuzendariak eta Haritz Mujika entrenatzaileak Sociedad Deportiva Amorebietan jarraituko dute 2023-2024 denboraldian, non talde urdina bigarren aldiz bere historian arituko da Bigarren Mailan aurten lortutako igoeraren ostean. Horrela jakinarazi du gaur klubak Jon Larrea presidenteak, Goiriak eta Mujikak Urritxen eman duten prentsaurreko baten bitartez. 

“Gaurkoa oso egun garrantzitsua eta alaia da gure zuzendaritza-batzordearentzat. Gure ideia bakarra haiek jarraitzea zen, eta zorionez horrela izan da. Eskerrak eman nahi dizkizuet proiektu honetan sinetsi duzuelako eta konfiantza izateagatik”, esan du Larreak.

Asier Goiria Etxebarriaren (Amorebieta-Etxano, 1980-9-19) zazpigarren denboraldia jarraian izango da SDA-ko kirol-zuzendari gisa. 2017-2018an hasi zen, CD Getxo taldean bere futbolari ibilbidea amaitu ondoren. Han jokatu zuen bere azken denboraldia, 2014-2015ean eta 2015-2016an talde zornotzarrean egon ondoren. Aurretik kolore urdinak ere defendatu zituen. Izan ere, SDAn eman zituen bere lehen urratsak, une hartan Hirugarren Mailan zegoen lehen taldera iritsi arte. Aurrelari urdin bezala egindako bi etapen artean, Goiriak bere zigilua utzi zuen Gernika, Bilbao Athletic, Burgos, Logroñés CF, Eibar, Numancia, Cartagena, Girona eta Mirandes bezalako taldeetan.

Goiriak kargua hartu zuenetik, lehen taldeak bere kirol etaparik arrakastatsuena bizi izan du. Bigarren Mailara bi igoera lortu ditu, 2020-2021 denboraldikoa eta Lehen Federazio kategoriako txapeldun gisa amaitu ondoren orain dela egun batzuk lortutakoa.

“Amorebietarekin historia egiten jarraitu nahi dut, eta osatuko dugun proiektuan sinesten dut. Futbol profesionalean izatea oso erronka handia da, eta, aldi berean, oso polita, ilusio handiz egiten diot aurre. Atzetik lan asko dago, baina badakigu zein den gure helburua eta haren bila goaz. Hau denboran iraunkorra izatea nahi dugu, eta ez urtebeteko kontua”, azpimarratu du Goiriak.

Haritz Mujika Lopezek (Pasaia, 1981-11-13) aulkian jarraituko du datorren kanpainian. Gipuzkoarrak SDAn eman zion amaiera bere futbolari ibilbideari. Urritxen jokatu zituen bere azken bi urteak (2017-18 eta 2018-19) Beasain, Real Sociedad B, Real Union bi etapatan, Burgos, Casteldefels, Zamora eta Mirandes taldeen koloreak defendatu ostean.

Botak eskegi ondoren, talde zornotzarrari lotuta jarraitu zuen, orduan Iñigo Velez de Mendizabalek zuzentzen zuen talde teknikoan barneratu baitzen bigarren entrenatzaile gisa. Mujikak lehen entrenatzaile postua hartu zuen 2021-2022an, klubak bere aldeko apustua egin zuenean LaLiga SmartBanken norabidea zuzentzeko helburuarekin, amaierarako hamabi jardunaldiren faltan. Urdinek errendimendu ona eskaini zuten, bost garaipen, bi berdinketa eta bost porrotekin, salbazioaren helburutik 2 puntura geratu zirelarik.

Klubak 2022-2023rako konfiantza mantendu zuen Mujikan eta emaitza ezin hobea izan da. Hasiera gorabeheratsu baten ondoren, taldean aldaketa ugari egon baitziren, hogei bat futbolari berrirekin, urdinek igoera lortu dute zuzenean, Lehen Federazioko 2. multzoko txapeldunak izan baitira. Gureek 69 puntu lortu dituzte, 19 garaipen, 12 berdinketa eta 7 porrotekin. Aipatzekoa da taldeak denboraldi amaiera bikaina egin duela: 12 garaipen, 6 berdinketa eta porrot bakarra bigarren itzuli bikain batean. Hori gutxi balitz, Mujikaren mutilek Racing de Ferrolen aurka irabazi dute Txapeldunen Finala, kategoriako garaikurra eskuratuz.

“Hau izan da denboraldiaurretik entrenatzaile gisa izan dudan lehen esperientzia, eta asko ikasteko balio izan dit. Erronka honi pozez eta ilusioz aurre egiten diot, guztion lanarekin helburua lortzea eta taldeak kategorian mantentzea espero dut”, azaldu du Mujikak.

Hona hemen gaur Urritxen eman duten prentsaurrekoa ikusteko esteka: https://www.youtube.com/watch?v=829fucv0cjs