Aitor Torrico, Athletic Clubek utzita, bolbora gehiago eraso urdinerako

Aitor Torrico Arriandiaga (Gernika, 2006-01-02) aurrelariak SD Amorebietan jokatuko du datorren denboraldian. Athletic Clubetik dator lagatu gisa. Pasa den denboraldian Hirugarren Federazioko CD Derion jokatu zuen utzita eta 13 gol sartu zituen oraindik jubenila izan arren.

Jokalari gaztea 2022an iritsi zen Lezamara, lehen urteko jubenil gisa, Gernika Clubean nabarmendu ondoren. Izan ere, bere bigarren denboraldian kadete bezala 51 gol egin zituen ligako 32 partidatan talde gernikarrarekin. Zuri-gorri bezala bere gaitasuna erakusten jarraitu zuen: Athleticen jokatu zuen lehen denboraldian 21 gol sinatu zituen Liga Nazionaleko Jubenil B taldean eta bigarrenean zortzi sartu zituen Ohorezko Mailako Jubenil A taldearekin. Pasa den denboraldian, jubenil gisa jokatu zuen hirugarren urtean, Hirugarren Federazioko golegilerik onenetakoa izan zen CD Deriorekin, non Athletic Clubek utzita lehiatu zuen. Orain, futbolari senior bezala jokatuko duen lehen denboraldian, Urritxera helduko da eraso urdinari bolbora gehiago emateko.

Ongi etorri, Aitor!