Logotipo centenario SD Amorebieta

Urdinek denboraldiaurreko azken lagunartekoa jokatu dute gaur arratsaldean, Kantabrian UD Sámanoren aurka, Bigarren Federazioko 1. Multzoko taldea. Aitor Zulaikaren mutilek 1-2 irabazi dute, Reka eta Zorrillaren golekin markagailua irauliz. Hurrengo hitzordua ligako estreinaldia izango da, datorren igandean 12.00etan Urritxen Real Unionen aurka.

SDAren aldetik, hasierako hamaikakoa Lukas, Mendibe, Arratibel, Aranceta, Hodei Rodríguez, Elías, Goie, Reka, Asier Sánchez, Lulu eta Etxaniz jokalariek osatu dute. Peru, Ceballos, Zorrilla, Torrico, Entrecanales, Odei, Hernaiz, Ituarte, Marouane eta Bikandi partidan zehar zelairatu dira aulkitik.

Neurketa albiste txar batekin hasi da. Izan ere, Beñat Arratibelek, bere lehen minutuak izan duenak denboraldiaurreko hasierako egunetan jasandako lesio baten ondorioz, partida utzi behar izan du hasi eta berehala. Animo Beñat!

Etxeko taldea hobeto hasi da eta 19. minutuan aurrea hartzea lortu du. Aurkariaren golaren ondoren, gureek metroak aurrera egitea lortu dute eta ordu erdia pasata berdinketa itzuli dute markagailura, Rekak atezaina gainditu baitu jaurtiketa gurutzatu on batekin. Atsedenaldira arte abagune argirik gabe igaro da lehia eta aldageletara 1-1ekoarekin iritsi dira. Bigarren zatiaren hasieran, Lukasek 2-1ekoa saihestu du. Amaierarako hogei minuturen faltan, Zorrillak 1-2koa sinatu du areaz kanpotik egindako zartako eder batekin, SDAren garaipena sinatuz aurredenboraldiko azken lagunartekoan.

Compártelo